عندنا و عندهم

عندنا ولد عمره بين ال9 وال 10 سنوات ( كويتي ) مسافر مع اهله بالصيف , عند التفتيش في قاعة المطار لقى رجال الأمن ميدالية فيها سكين صغيرة بجيب الولد , طبعا صار استنفار وصرخوا عليه ليش يايبها معاك ومن اللوية اختبصوا اهله وانحرجوا جدام الناس فحطوا حرتهم بالولد وكانت راح تطوفهم الطيارة وصاروا سالفة لباقي الركاب يجزرون فيها الرحلة .

عندهم هم ولد تقريبا نفس العمر ( كويتي بعد ) بالتحديد بمطار فرانكفورت , عند التفتيش مرت العائلة كلها وقال موظف الأمن للولد انتظر شوي , يابله ورقة ملونة فيها صور للأغراض الممنوع صعودها الطيارة واللي مسموح فيها . وقاله حط لي دائرة على الشغلات الممنوعة .

اشر الولد على الممنوع ورجعها لموظف الأمن اللي طالعها وقاله ممتاز اجابتك صح عطاه الورقة وخلاه يروح مع اهله .

عند باب الطيارة يات المضيفة وقالت باشوف الورقة , ابتسمت وسألته ما دام انت شاطر وتعرف شنو ممنوع ليش شايل معاك سكين بجيبك ؟؟ الولد انحرج وقالها والله انا ناسي ان الميدالية فيها سكين وانا اسف :) ردت عليه : عطني الميدالية واذا وصلت الطيارة الكويت تعال وتلاقيها عندي :)

الولد اللي بمطار الكويت تبهدل من الشرطة ومن ابوه ويمكن طول السفرة كل يوم ينزف , والثاني تعلم شنو الممنوع وماراح ينساه طول عمره و يمكن اذا كبر وشاف البلد وحكومتها ومجلسها يهاجر ويعيش بالمانيا :)

خلوصي و موضي

السلام عليكم

بعد غيابي عن التدوين لفترة 5 اشهر احب اشكر كل من سأل عني وافتقد مواضيع مدونتي ( طبعا اهم اثنين بس :) )

جريدة القبس نشرت في الصفحة الأولى صورة وزيرة التربية ووزيرة التعليم العالي في جولتهاعلى المدارس حيث كانت واثقة من اجراءات وزارتها ووزارة الصحة للوقاية من مرض انفلونزا الخنازير فلم تمتنع !!!! عن المصافحة والتقبيل للوقاية من المرض !!! وما قصر خلوصي ضبطنا بصورة للوزيرة وهي تقبل معلمة في احدى المدارس :)

الطلبة اذا شافوا المدرس مو ملتزم بخطط الوقاية من المرض من الطبيعي

انهم ما يلتزمون فشلون اذا شافوا الوزيرة ؟؟؟

لاتقول ما لا تفعل ولا تفعل ما لا تقول

الكويت مركز مالي وتجاري

انا ما حب اقرا الجرايد لانها كلها اخبار تضيق الخلق , اليوم قلت اتصفح الجريدة لقيت خبر ونسني وحسيت ان البلد بخير .

الخبر يقول في مشاريع عملاقة بتحول البلد الى مركز مالي وتجاري فرحت والله قلت لازم تشوفونه معاي :)

بعد ما قريت وقفت شوي وفكرت بهالمشاريع خل ناخذهم واحد واحد , شلون بيساهمون بجعل الكويت

مركز مالي وتجاري ؟؟

مستشفى جابر ؟؟ المستشفى من ضروريات الحياة في ناس لازم في مستشفى !! شنو علاقة بالمركز المالي ؟؟؟

مشروع تطويرجزيرة بوبيان ( احنا خلصنا من تطوير الشوارع والموانئ والمنشآت النفطية اللي بالكويت واللحين بنبلش ببوبيان :)

طبعا انشاء القاعة الأميرية بالمطار وتجديد قاعة التشريفات وقاعة المؤتمرات في قصر بيان اهي الخطوات الاساسية في الطريق الى تحويل الكويت الى مركز مالي وتجاري , شلون اذا يونا قادة الدول وما عجبتهم القاعات الحالية شلون ؟؟

جسر الشيخ حابر , تبي اتطور الصبية وتسوي فيها مدينة سكنية لازم تسوي جسر , نرجع للسؤال شنو دور الجسر في المركز المالي ؟؟

مدينة جابر , مدينة سعد , مدينة الحرير ؟؟؟ مدن سكنية علشان الشعب يعني اذا كل الكويتيين صار عندهم بيوت راح يقدرون يحولون باقي الاراضي للقطاع التجاري وتصير الكويت مركز تجاري صح ؟ :)

مدينة جابر الرياضية , حتى لبنان عندهم مدينة رياضية لا واستضافوا كاس آسيا .

مادري الجرايد يقصون على العالم بهالخرابيط ولا في احد مسنعها لهم

باقي مشروع نسوا يذكرونه الجريدة ويعتبر من اهم نقاط التحول الى مركز مالي وهو تحويل قناتي سكوب وفلاش الى شركات مساهمة ويكتتب فيها جميع المواطنين :))

Eyes glaze over

? Have You ever watch lions at the zoo

You can tell which were captured in the wild by the look in their eyes

The wild cat remembers running across the plain , the thrill of the hunt

Four hundred pounds of killing fury locked in a box

But after a while, their eyes glaze over......and you can tell

their soul has died.

from the movie : XXX

The same thing

happens to a man married to a women who is

manipulative, selfish, immature, desperate, dumb and

plays victim

رأي القبس في الاتصالات

في عدد يوم الأربعاء 8 ابريل 2009 قرأت مقالة اسمها : ( حين تتلقى اتصالا عبر خط أرضي) بقلم محررة في الصفحة الأقتصادية ودي تقرونها اول بعدين تكملون البوست



http://www.alqabas.com.kw/Article.aspx?id=488399&date=08042009




في البداية تكلمت المحررة عن مشكلة مزعجة للغاية ان الكل اليوم يريد الاتصال من خط أرضي للتوفير بشكل خاص، الأمر الذي يثير غضب نسبة كبيرة من متلقي المكالمات. إذ أصبح من الصعب التعرف على هوية المتصل. وكم هو مزعج،!!! ما تعرف المتصل لا ترد عليه بس حلينا المشكلة المزعجة .



المشكلة الثانية كانت :
حين تعاود الاتصال برقم من ضمن الشبكة الثابتة، أن يرد عليك أحدهم عبر رسالة صوتية للترحيب بك كمتصل بإحدى الشركات. وأنت لا تعرف تحديداً أي موظف في هذه الشركة حاول الاتصال بك....:) رقم ما تعرفه لا تصير خفيف انطراذا يبيك بيدق عليك مرة ثانية :)



وتقول ان استخدام الخط الثابت اكثر من باب التوفير يؤدي إلى استغلال الخطوط الأرضية بشكل فوضوي وغير منطقي، كما سيزيد الضغط على الشبكة الاستيعابية لشركات الاتصالات ؟؟ و لا يعكس وضعاً سليماً لا للقطاع الثابت ولا لقطاع الشبكة النقالة !! شلون يعني ؟؟؟؟

اهني ترد علينا وتقول :

إلى أن يعود الأمر إلى الوضع السليم، الذي هو بين ما كانت عليه الحال قبل إلغاء كلفة تلقي المكالمات وبعدها، نحن بانتظار القرار الصائب من المعنيين؟؟؟!!!!


القرار الصائب هو انك تدفع فواتير بقيمة اكبر واضح ياجماعة ؟


الكل عارف انه شركات الأتصالات اضطروا الغاء تكلفة المكالمات الواردة من الخط الثابت بعد دخول الشركة الثالثة صح


وان الشركتين دشوا بطوفة لان انخفضت قيمة فواتير المشتركين ؟


واللحين الشركتين يحاولون يضغطون على وزارة المواصلات علشان تبرر لهم الغاء القرار اللي ريح ناس وايد .



فلما ينزل مقال مثل هذا في جريدة مثل القبس اول ما يخطر على بالي هو :

هل الكاتب محررة في الصفحة الأقتصادية او ادارة الجريدة اللي كتبت المقال ؟

اذا ادارة الجريدة شنو الفائدة من مساعدة شركات اتصالات في رفع قيمة فواتير المشتركين ؟؟

اذا صج محررة اللي كاتبة هل تدري عنها ادارة الجريدة ؟؟

اذا يدرون نرجع للسؤال شنو فايدة الأدارة من المقال ؟ واذا ما يدرون المصيبة اكبر :)محررين يستغلون الجريدة لمصالحهم الشخصية

شنو يا ترى اللي يخلي القبس تفزع للشركتين وتقول لما اندق من خط ثابت على نقال انكون سببنا استغلال الخطوط بشكل فوضوي ؟؟؟

شكرا :)

في عدد اليوم :

القبس والدائرة الثامنة :)))